Հյուսիսկորեացի ծնողները կեղծ ամուսնալուծություններ են անում՝ որդիներին բանակից ազատելու համար

Հյուսիսային Կորեայում զորակոչի սեզոնին մոտ ծնողները, հատկապես աղքատ ընտանիքներում, կեղծ ամուսնալուծություններ են ձևակերպում՝ որդիներին պարտադիր ծառայությունից ազատելու համար՝ վախենալով, որ նրանց կարող են ուղարկել արտասահման, մասնավորապես Ռուսաստան։

Երկրում ծառայությունից հիմնականում ազատվում են համալսարանական ուսանողները, ծանր հիվանդություններ կամ ֆիզիկական սահմանափակումներ ունեցողները, ինչպես նաև որոշ դեպքերում ամուսնալուծված ծնողների երեխաները։ Քանի որ կեղծ բժշկական փաստաթղթերը այլևս դժվար է ապահովել, ամուսնալուծությունը դարձել է խուսափելու հիմնական մեխանիզմը։

Ծնողների մտահոգության պատճառը ռուս-ուկրաինական պատերազմում հյուսիսկորեացի զինվորների կորուստների մասին տեղեկություններն են, ինչի հետևանքով շատերը փորձում են ցանկացած եղանակով կանխել իրենց որդիների զորակոչը։