Նիդերլանդները պաշտպանում է ԵՄ արտաքին և պաշտպանական քաղաքականության որոշումների կայացման գործընթացում միաձայնության սկզբունքից հրաժարվելը՝ նշելով ԵՄ-ի կողմից միջազգային ճգնաժամերին և անվտանգության մարտահրավերներին արձագանքը արագացնելու անհրաժեշտությունը։ Այս մասին նշվում է Նիդեռլանդների 2026-2030 թվականների միջազգային անվտանգության ռազմավարության մեջ։
Փաստաթղթում նշվում է, որ երկրի իշխանությունները մտադիր են անցնել որակյալ մեծամասնության քվեարկության, քանի որ, ըստ երկրի իշխանությունների, ԵՄ-ն «այլևս չի կարող սպասել կոնսենսուսի. աշխարհաքաղաքական իրականությունը ստիպում է ընտրություն կատարել»։ Կառավարությունը նաև կարծում է, որ ԵՄ-ն պետք է դառնա ավելի անկախ խաղացող անվտանգության ոլորտում և կարողանա ավելի արագ որոշումներ կայացնել աշխարհաքաղաքական մրցակիցների հետ աճող դիմակայության պայմաններում։ Հաագան նաև պաշտպանում է պատժամիջոցների ճնշման ընդլայնված կիրառումը, հիբրիդային սպառնալիքներին հակազդելը և քաղաքացիական պաշտպանությունը ԵՄ մակարդակով։
Վետոն մնում է ԵՄ պետությունների ազգային ինքնիշխանությունը արտաքին և անվտանգության քաղաքականության մեջ պաշտպանելու հիմնական մեխանիզմը։ Արտաքին և անվտանգության ընդհանուր քաղաքականության շրջանակներում որոշումները դեռևս մեծ մասամբ կայացվում են միաձայն, ինչը թույլ է տալիս ցանկացած երկրի արգելափակել իր շահերին հակասող նախաձեռնությունները։ Այս մեխանիզմը վերջին տարիներին բազմիցս խոչընդոտել է Ռուսաստանի դեմ նոր պատժամիջոցների ընդունմանը և Ուկրաինային ռազմական օգնության հատկացմանը՝ դժգոհություն առաջացնելով Բրյուսելում և ԵՄ մի շարք անդամ երկրներում։
.gif)
