Երեկ սենսացիոն հայտարարություն է արել ռուսական առաջին ալիքի մեկնաբան, հայտնի լրագրող Վլադիմիր Պոզները: Պարզվում է` որպեսզի իր հեղինակած հաղորդմանը հյուրընկալի ընդդիմադիր Գարի Կասպարովին, նա ստիպված է եղել հատուկ թույլտվություն խնդրել ՌԴ վարչապետ Վլադիմիր Պուտինից: «Ցանկալի կլիներ առանց թույլտվությունների աշխատել` գրված, թե չգրված: Սակայն այսօրվա Ռուսաստանում դա անհնար է»,- հայտարարել է Պոզները:Պուտինը իր համաձայնությունը տվել է առաջին ալիքի լրագրողների հետ հանդիպման ժամանակ: «Ընդդիմության առաջնորդները անընդհատ խաբում են, սակայն հասարակության մի հատված ցանկանում է լսել նրանց: Դե թող վերջապես արտահայտվեն»- ասել է Վ. Պուտինը: Վ. Պոզները իր հերթին, «Յուկոս»-ի նախկին ղեկավար Միխայիլ Խոդորկովսկու գրքի շնորհանդեսի ժամանակ նշել է, թե շատ կուզեր հարցազրույց վերցնել ազատազրկման մեջ գտնվող նախկին օլիգարխից, սակայն հասկանում է, որ չի կարող:
.gif)
