ՏԵՍԱՆՅՈՒԹ․ «Գլուխներդ կուտեն, ծախեք, փախեք»․ Բոնուսի ինքնասպան եղած սեփականատիրոջ աներձագը անուններ է տալիս

Երեկ, ըստ նախնական վարկածի, ինքնասպան էր եղել «Բոնուս» սուպերմարկետների ցանցի հիմնադիր տնօրեն Անդրանիկ Մուրադյանը։ ՀՀ քննչական կոմիտեն հայտնել էր, որ դեպքի առթիվ նախաձեռնվել է քրեական վարույթ՝ Քրեական օրենսգրքի 162-րդ հոդվածի 1-ին մասով (ինքնասպանության հասցնելը)։ Նշանակվել է դիակի դատաբժշկական փորձաքննություն։

ArmLur.am-ի հետ զրույցում, ըստ նախնական վարկածի ինքնասպան եղած «Բոնուս» սուպերմարկետների ցանցի հիմնադիր տնօրեն Անդրանիկ Մուրադյանի աներձագը՝ Արշավիր Հարությունյանը, որը «Բոնուս» սուպերմարկետների ցանցի հիմնադիրներից մեկն է, մանրամասներ է պատմում, թե ինչ է կատարվում իրենց բիզնեսի շուրջ։

Վերջինս ArmLur.am-ի հետ զրույցում կոնկրետ տալիս է անուններ, թե ինչ իրավիճակի են կոնկրետ անձինք հասցրել իրենց։

Մասնավորապես, «Բոնուս» սուպերմարկետների ցանցի հիմնադիրներից Արշավիր Հարությունյանը նշում է «Սպայկա» ընկերության հիմնադիր Դավիթ Ղազարյանի և ՔՊ-ի սրտի գործարար Նարեկ Նալբանդյանի անունները ու հայտարարում․ «Կանգնեցրեք նրանց, 7 ամիս է՝ դժոխքի մեջ ենք, շանտաժով բիզնես են խլում»։

Վարչապետին անձամբ նամակ եմ գրել, հայտնել եմ, թե ինչեր են անում, ՀՀ վարչապետ Նիկոլ Փաշինյանը անձամբ արձագանքել է իմ նամակին։ Մանրամասները՝ հեռախոսազրույցում։

Այս պատմության առնչությամբ ArmLur.am-ը փորձեց կապ հաստատել «88» սուպերմարկետների ցանցի սեփականատեր Նարեկ Նալբանդյանի հետ։ Վերջինս, ի պատասխան մեր հարցումների, նշել է, որ ներկայացված պնդումները «զավեշտ են»։Փորձեցինք կապ հաստատել նաև «Սպայկա» ընկերության սեփականատերերից Դավիթ Ղազարյանի հետ։

Սակայն մեր բոլոր փորձերը՝ նրա հետ կապ հաստատելու և մեկնաբանություն ստանալու ուղղությամբ, առայժմ արդյունք չեն տվել։

ArmLur.am-ը պատրաստ է հրապարակել նաև Դավիթ Ղազարյանի և մյուս կողմերի դիրքորոշումը՝ այն ստանալուն պես։

«Սպայկայի» տնօրեն Դավիթ Ղազարյանը ArmLur.am-ի հետ զրույցում նշել է․

«Նախ՝ ցավակցում ենք ընտանիքին ևհարազատներին այս ծանր կորստի կապակցությամբ։
Միաժամանակ, անընդունելի ենք համարում այդողբերգության համատեքստում մեր ընկերության անվանշահարկման փորձերը։
Հարցազրույցում հնչեցված պնդումները չենհամապատասխանում իրականությանը և կառուցված ենսուբյեկտիվ ու կեղծ պնդումների հիման վրա, ողբերգական դեպքի շահարկմամբ ու օգտագործմամբ` հետապնդելով այլ նպատակներ:
Իսկ հմտորեն թաքցված իրականությունը բացարձակապես այլ է. «Սպայկա» ՍՊ ընկերությունը վաղուց դատարան էր դիմել «Բրենդլիդեր» ՀՁ ՍՊԸ-ի(«Բոնուս» ցանց) դեմ` պայմանագրային հարաբերությունների շրջանակում որպես կանխավճար վճարված գումարը հետ վերադարձնելու պահանջով, որը դատարանի որոշմամբ բավարարվել էր: Դատական ակտը պատասխանողի կողմից բողոքարկվել էր նաև Վերաքննիչ դատարան, որի քննության արդյունքում վերաքննիչ բողոքը մերժվել էր: Դրանից հետո հաղորդում է ներկայացվել նախաքննական մարմնին, որով ակնհայտորեն նպատակ էին հետապնդում ճնշումներ բանեցնելու միջոցով խուսափել գույքային պարտավորություններից: Նկատի ունենալով, որ «Բրենդլիդեր» ՀՁ ՍՊ Ընկերությունը գույքային պարտավորություններ ունի բազմաթիվ այլ կազմակերպությունների, այդ թվում վարկային կազմակերպությունների հանդեպ, հարուցվել է սնանկության վարույթ, որի շրջանակում ձեռնարկվում են օրենքով սահմանված միջոցները:
«Սպայկա» ՍՊ ընկերության կողմից երբևէ չի իրականացվել որևէ անօրինական գործողություն, Ընկերությունը ՀՀ օրենսդրությամբ սահմանված կարգով միջոցներ է ձեռնարկել իր իրավունքներն ու օրինական շահերը պաշտպանելու ուղղությամբ և շարունակելու է գործել բացառապես օրենքով սահմանված ընթացակարգերի շրջանակում:
Վստահ ենք, որ բոլոր հանգամանքները կստանանբացառապես իրավական և օբյեկտիվ գնահատական, այդ թվում՝ զրպարտչական բնույթ ունեցողհայտարարությունները»։

Քնար Մանուկյան

Մանրամասները՝ տեսանյութում․