ArmLur.am-ը տեղեկացավ, որ ՀՀ վարչապետ Նիկոլ Փաշինյանի որոշմամբ՝ Լոռու մարզպետ Արեն Մկրտչյանին արձակուրդ է տրամադրվել։
Համաձայն վարչապետի N 719-Ա որոշման՝ Մկրտչյանին տրամադրվել է 2025-2026 թվականների աշխատանքային տարվա ամենամյա արձակուրդի չօգտագործված մասը՝ 9 աշխատանքային օր տևողությամբ, ինչպես նաև 1 օր չվճարվող արձակուրդ։
Արձակուրդը մարզպետին տրամադրվել է 2026 թվականի օգոստոսի 21-ից սեպտեմբերի 3-ը ներառյալ։
Արեն Մկրտչյանի արձակուրդում գտնվելու ընթացքում նրան կփոխարինի ՀՀ Լոռու մարզպետի տեղակալ Արսեն Ղարիբյանը։
Որոշումը վարչապետը կայացրել է «Հանրային ծառայության մասին» և «Կառավարչական իրավահարաբերությունների կարգավորման մասին» օրենքների համապատասխան դրույթների հիման վրա։
Սոնա Գրիգորյան
.gif)
