Նեպալը դիմել է Կորուստներին և վնասներին արձագանքման հիմնադրամի խորհրդին՝ օգոստոսի 26-ի աղետալի ջրհեղեղից հետո անհապաղ ֆինանսական օգնություն խնդրելով։
Երկրի արտաքին գործերի նախարար Շիշիր Խանալը հայտարարել է, որ Նեպալը նաև կլիմայական փոխհատուցում է պահանջելու խոշոր արտանետողներից՝ ԱՄՆ-ից, Չինաստանից և Հնդկաստանից։ Նրա խոսքով՝ Նեպալը ջերմոցային գազերի չնչին արտանետումներ ունի, սակայն կրում է կլիմայի փոփոխության ծանր հետևանքները։
Նախարարը նշել է, որ օգնությունը պետք է դիտարկել ոչ թե որպես «բարեգործություն», այլ որպես խոշոր արտանետողների «բարոյական և իրավական պատասխանատվություն»։
Ջրհեղեղը, որը հարվածել է երկրի առնվազն երեք շրջանների, առաջացրել է մարդկային և նյութական մեծ կորուստներ։ Նեպալի իշխանությունները հայտարարել են, որ աղետի ամբողջական վնասը դեռ գնահատվում է, սակայն այն գերազանցում է երկրի անհապաղ արձագանքման հնարավորությունները։
.gif)
