Այսօր՝ սեպտեմբերի 14-ին Առողջապահության նախարարությունը հորդորել է Սյունիքի մարզի Ծավ բնակավայրի բնակիչներին զերծ մնալ ջրի օգտագործումից՝ ինչպես խմելու, այնպես էլ կենցաղային նպատակներով։
Նշենք, որ Հիվանդությունների վերահսկման և կանխարգելման ազգային կենտրոնի Սյունիքի մասնաճյուղի մասնագետները բնակչի տնից ջրի նմուշառում են իրականացրել։ Լաբորատոր հետազոտության արդյունքներով՝ նմուշում սնդիկի պարունակությունը գերազանցել է սահմանային թույլատրելի շեմը։
Դեպքի վերաբերյալ առավել մանրամասն տեղեկություններ ստանալու նպատակով ArmLur.am-ը կապ հաստատեց Ծավի համայնքապետ Արմեն Ալեքսանյանի հետ։
Համայնքապետը մեր հարցին, թե արդյոք մանրամասներ ունի հայտնելու, պատասխանեց․
— Չկա մանրամասներ հայտնելու, ոչ մի բան չկա էս պահին։
Երբ հետաքրքրվեցինք՝ արդյոք գիտե՞ք, թե որն է խնդրի պատճառը, համայնքապետը պատասխանեց․
— Հաջողություն։
Նանիկ Աղասյան
Մանրամասները՝ տեսանյութում․
.gif)
