ՏԵՍԱՆՅՈՒԹ․ «Պիտի սպանեմ». 45 օր հացադուլի մեջ գտնվող կալանավորի քույրը ահազանգում է

Աշոտ Բադալյանը 45 օր է՝ հացադուլի մեջ է․ քույրը խնդրում է օգնել եղբորը:

Արդեն 45 օր է, ինչ Նուբարաշենի բանտում կալանավորված Աշոտ Բադալյանը հացադուլ է հայտարարել։

(Լուսանկարում կալանավոր Աշոտ Բադալյանն է)

Վերջինիս քույրը՝ Նաիրա Բադալյանը, խնդրում է օգնություն ցուցաբերել եղբորը, քանի որ, նրա խոսքով, եղբոր կյանքին վտանգ է սպառնում։

Բանն այն է, որ Նաիրա Բադալյանի եղբայրը՝ Աշոտ Բադալյանը, պաշտպանելով իր երեխաներին՝ կրակել է քրոջ որդու ուղղությամբ և սպանել նրան։ Այս արարքի համար նա կալանավորվել է։ Նաիրա Բադալյանի խոսքով՝ ինքը և ամուսինը բողոք չունեն եղբոր դեմ։

«Իմ տղային սպանել է իմ եղբայրը, բայց ես ու ամուսինս բողոք չունենք։ Իմ տղան առողջական խնդիրներ ուներ և իր անձնական դժբախտության մեջ բոլորիս էր մեղադրում։ Մի օր նա գնաց՝ եղբորս՝ Աշոտին սպանելու, իսկ Աշոտը ոչ դիտավորյալ, ընտանիքին պաշտպանելու համար, ինքնապաշտպանվելով՝ կրակել էր նրա վրա։

ArmLur.am-ի հետ զրույցում Նաիրա Բադալյանը հայտնել է. «Եղբայրս արդեն 45 օր է՝ Նուբարաշենի բանտում հացադուլի մեջ է։ Մեր խնդիրը կապված է նրա դեմ հարուցված քրեական գործի հետ, որով խնդրում ենք արդարադատություն իրականացնել։ Եղբորս դիտավորյալ սպանության համար են կալանավորել, մինչդեռ նա պաշտպանվել և երեք երեխայի կյանք է փրկել։ Նրա դեմ բողոք չկա։ Գոնե տնային կալանք տան, որ հասնի իր երեք երեխաներին»։

Քնար Մանուկյան

Մանրամասները՝ տեսանյութում․