Սենատի հատկացումների հանձնաժողովի հանրապետական անդամները առաջարկել են Պենտագոնին հատկացնել 1.1 տրիլիոն դոլար 2027 ֆինանսական տարում: Այս մասին ասվում է հանձնաժողովի կայքում երկուշաբթի օրը տեղադրված օրինագծում։
Փաստաթղթի համաձայն՝ Պաշտպանության նախարարությանը և հետախուզությանը առաջարկվող հատկացումների ընդհանուր գումարը կազմում է 1.1 տրիլիոն դոլար: Մասնավորապես, հանրապետականները առաջարկում են Պենտագոնին հատկացնել 9.4 միլիարդ դոլար «Ոսկե գմբեթ» հակահրթիռային պաշտպանության համակարգի կառուցման համար և 202.9 միլիարդ դոլար՝ զինվորականների աշխատավարձերի և նրանց ընտանիքների համար նախատեսված նպաստների նպատակով։
285.6 միլիարդ դոլար է առաջարկվում տարբեր զենքերի ձեռքբերման համար, իսկ 203 միլիարդ դոլար՝ դրանց մշակման և արտադրության համար: Հանրապետական կուսակցության ներկայացուցիչները առաջարկում են լրացուցիչ 47.2 միլիարդ դոլար՝ զենքի արտադրության լրացուցիչ պայմանագրերի և ներդրումների համար։
Առաջարկվում է 6.2 միլիարդ դոլար հատկացնել անօդաչու թռչող սարքերի և դրանց ճնշման համակարգերի մշակման, արտադրության և ձեռքբերման համար: Հանրապետականները առաջարկում են Պենտագոնին հատկացնել 42 միլիարդ դոլար ռազմանավերի կառուցման համար: Օրինագիծը նաև հատկացնում է 1.7 միլիարդ դոլար՝ ԱՄՆ զինված ուժերում վառելիքի սպասվող պակասը լրացնելու համար։
Փաստաթուղթը պատրաստել են Հանրապետական կուսակցության ներկայացուցիչները, որը ներկայումս վերահսկում է ԱՄՆ Կոնգրեսի երկու պալատները։




























