«Դեմ եմ» նախաձեռնության մանկավարժներն այսօրվա մամլո ասուլիսում հայտարարեցին, որ շատ կրթօջախների տնօրեններ հրաժարվում են իրենց աշխատակիցների դիմումները վերցնել:
Թե որ կրթօջախների մասին է խոսքը, ուսուցիչներն առայժմ անուններ չհրապարակեցին, քանի որ չեն ցանկանում իրենց գործընկներին ճնշումների տակ դնել: Թեև որոշ դպրոցների տնօրեններ առանց որևէ արգելքի վերցնում են իրենց աշխատակիցների դիմումները, ըստ որի` նրանք չեն ցանկանում իրենց աշխատավարձից պահվեն 5 տոկոս կուտակային կենսաթոշակային վճարները, սակայն դա համատարած բնույթ չի կրում:
«Գործատուներն ասում են` մենք դեռ հրահանգ չենք ստացել խնդրի առնչությամբ: Բայց ինչ հրահանգի մասին է խոսքը, եթե պարտադիր կուտակային կենսաթոշակային օրենքի փոփոխված տարբերակն արդեն ԱԺ-ի կողմից ընդունվել է, նախագահն էլ ստորագրել է այն»,- զարմացած ասում են ուսուցիչները:
Նրանց տեղեկացմամբ` ապրիլ ամսվա իրենց աշխատավարձից պահում արվել է, բայց չի փոխանցվել, իսկ մայիս ամսվա աշխատավարձը դեռ չեն ստացել:
Ուսուցիչները կոչով դիմում են ՀՀ ԿԳ նախարար Արմեն Աշոտյանին` պաշտպանել իրենց:
«Դեմ եմ» նախաձեռնության մանկավարժները չեն լռելու և որոշել են ամեն գնով պայքարել իրենց իրավունքները:
.gif)
