Վայոց ձորի մարզի Ազատեկ գյուղի բնակիչ, ավագանու անդամ Սևադա Զաքարյանը armlur.am-ին տեղեկացրեց, որ ՀԷԿ կառուցելու նպատակով պատրաստվում են տանել իրենց գյուղի ջրի խողովակները: Այդ փաստը, սակայն, հարուցել է գյուղի բնակիչների վրդովմունքը: «Մենք գյուղապետի հետ միասին պատրաստվում ենք թույլ չտալ, որ խողովակները տանեն»,- մանրամասնեց ավագանու անդամը:
Սևադա Զաքարյանի խոսքով,գյուղացիները տեղյակ չեն` որտեղ է կառուցվելու ՀԷԿ-ը և ով է կառուցվելիք ՀԷԿ-ի սեփականատերը. «Հարցնում ենք թույլտվություն ունե՞ք, կարող եք փաստաթուղթ ցույց տալ, պրարաբն ասում է`ես թուղթ չունեմ»:
Այդ խողովակները, ավագանու անդամի խոսքով մեծ նշանակություն ունեն գյուղի համար. «Վաղը չէ մյուս օրը, եթե վթար լինի, այդ խողովակները պետք են գալու գյուղին»:
.gif)
