Վրաստանի նախկին նախագահ Էդուարդ Շևարդնաձեն կհուղարկավորվի հուլիսի 13-ին: Նրա աճյունը կամփոփվի նախկին կառավարական նստավայրի տարածքում, որ նա բնակվում էր 90-ականներից, և ուր հանգչում է մի քանի տարի առաջ մահացած նրա տիկնոջ` Նանուլի Շևարդնաձեի աճյունը:
Ինչպես հայտնել է Վրաստանի կառավարության մամլո ծառայությունը, այդ որոշումը կայացվել է Շևարդնաձեի ընտանիքի կողմից:
Ավելի վաղ Վրաստանի ՆԳ նախարար Մայա Փանջիկիձեն հայտնել էր լրագրողներին, որ Շևարդնաձեն կհուղարկավորվի զինվորական արարողակարգով. տեղեկացնում է «Ինտերֆաքս»-ը:
Հիշեցնենք, որ Վրաստանի նախկին նախագահը վախճանվել է հուլիսի 7-ին կյանքի 87-րդ տարում:
.gif)
