Սեպտեմբեր 27, 2013

Սեպտեմբերի 26-ին, ժամը 13.50-ին, անհայտ մակնիշի  ավտոմեքենայի վարորդը Երևանի Մարգարյան փողոցի և Մարգարյան 1-ին նրբանցքի խաչմերուկում վրաերթի է ենթարկել 88-ամյա կնոջ, պատճառել մարմնական վնասվածքներ և դիմել փախուստի: Տարեց կինը տեղափոխվել է հիվանդանոց: Կատարվում է քննություն:

Միջազգային հեղինակավոր Moody’s կազմակերպությունն այսօր Ba2 է գնահատել Հայաստանի կառավարության տեղաբաշխած՝ 7 տարի մարման ժամկետով ու 6 տոկոսով 700 միլիոն ԱՄՆ դոլարի եվրապարտատոմսերի վարկանիշը: Ինչպես հաղորդում է ՀՀ ֆինանսների նախարարության լրատվական ծառայությունը, Moody’s-ը վերահաստատել է նաև վարկանիշին տրված կայուն բնորոշումը: Միջազգային կազմակերպության գնահատմամբ՝ Ba2 վարկանիշը ստանալու համար հիմք է հանդիսացել Հայաստանի վարած ֆիսկալ զսպողական քաղաքականությունը, …

Սեպտեմբերի 25-ին ոստիկանությունում տեղի է ունեցել օպերատիվ խորհրդակցություն, որը վարել է ՀՀ ոստիկանության պետի առաջին տեղակալ, ոստիկանության գեներալ-մայոր Հունան Պողոսյանը: Խորհրդակցության ընթացքում քննարկվել են “Կանալ-Կովկաս” լոկալ օպերատիվ կանխարգելիչ միջոցառման անցկացման հետ կապված կազմակերպչական հարցեր: Խորհրդակցությանը մասնակցել են միջոցառման նախապատրաստման և իրականացման համար պատասխանատու ստորաբաժանումների ղեկավարներ: ՀՀ ոստիկանության պետի առաջին տեղակալի կողմից այս տարվա օգոստոսի 8-ին …

Վարչապետ Տիգրան Սարգսյանի նախագահությամբ կառավարությունում տեղի է ունեցել ԽՍՀՄ և ՀՀ ժողովրդական արտիստ Սոս Սարգսյանի մահվան կապակցությամբ ՀՀ վարչապետի որոշմամբ ստեղծված թաղման կառավարական հանձնաժողովի նիստը: Նիստում որոշվել է, որ մեծանուն դերասանի քաղաքացիական հոգեհանգիստը տեղի կունենա սեպտեմբերի 28-ին, ժամը 18:00-ին՝ “Համազգային” պետական թատրոնում, վերջին հրաժեշտի արարողությունը՝ սեպտեմբերի 29-ին, ժամը 11:30-13:30-ը՝ Օպերայի և բալետի ազգային ակադեմիական թատրոնում, …

Վերջին շրջանում գյումրեցիները հաճախ են կրկնում` “Վարդանիկի պոչը նորից բռնել են”: Գյումրու նախկին քաղաքապետ Վարդան Ղուկասյանի մտերիմների վերջին ձերբակալություններից հետո գյումրեցիների ասածն այլ` թարմ հիմնավորում ունի: Հիմա էլ նախկին քաղաքապետի բիզնեսներից մեկն է հայտնվել ուշադրության կենտրոնում. խոսքը Գյումրիում վերջերս կառուցված “Ալեքսանդրապոլ” շքեղ հյուրանոցի մասին է: Ի դեպ, ժամանակին այս հյուրանոցի շուրջ զանազան քննարկումներ էին ծավալվել, …

168 .am-ի փոխանցմամբ՝  ինքնասպանություն է տեղի ունեցել Վանաձոր քաղաքում: Աղայան 56 շենքի իր բնակարանի պատշգամբում կախվելու միջոցով ինքնասպան է եղել մի տատիկ: Այս պահին շենքի մոտ են հավաքված բազմաթիվ քաղաքացիներ ու ոստիկաններ: 168 .am-ի տեղեկություններով` տատիկը միայնակ է ապրում: Այս պահին փրկարարները փորձում են բացել բնակարանի դուռը, որպեսզի կարողանան դուրս բերել տատիկի դին:

Դեռեւս մայիս ամսին “Ժողովուրդ” օրաթերթը գրել էր, որ ՀՀ Գեղարքունիքի մարզի Վարդենիս քաղաքի Մռավյան (Սեւ հողերի) փողոցի բնակիչներն ահազանգել են խմբագրություն եւ դժգոհել, որ իրենց փողոցի ասֆալտը քանդել են ու ավելի քան երեք տարի է` չեն վերականգնում: Մարդիկ ոտքերին պոլիէթիլենային տոպրակ են հագնում, որ քայլեն: Դպրոց կամ մթերային խանութ գնալու համար բնակիչները ստիպված են լինում …

Հայաստանի Հանրապետության գյուղատնտեսության նախարարության սննդամթերքի անվտանգության ծառայությունը հրապարակել է ,Հրաշք այգիե ընկերության նկատմամբ իրականացված վարույթի արձանագրությունը: Հաշվի առնելով այն հանգամանքը, որ ՀՀ ԳՆ սննդամթերքի անվտանգության պետական ծառայության պետի կողմից “Հրաշք այգի” ՍՊԸ-ի տնօրենի նկատմամբ 2013 թվականի հուլիսի 24-ին նշանակված տուգանքի թիվ 4 որոշումը Ծառայությանը հայտնի հասցեներով ուղարկվել է, սակայն վերջինիս կողմից չի ստացվել, ուստի, “Վարչարարության …

Ոստիկանության ԿՀԴՊ ԳՎ, Արմավիրի մարզային վարչության եւ Արմավիրի բաժնի ծառայողները սեպտեմբերի 26-ին, ժամը 13.00-ին,  1980 թ. ծնված Դրաստամատ Հ.-ի՝ Հայկավան գյուղում գտնվող տան կիսակառույց անասնագոմի զննությամբ՝ հայտնաբերել են 700 գ կանեփի բույսի չորացված 5 ամբողջական ճյուղ: Ոստիկանության լրատվության վարչությունից հայտնում են, որ Ըստ Դրաստամատ Հ.-ի հայտարարության` հայտնաբերվածը պատկանում է իրեն, որը քաղել է տնամերձ հողամասում …

“ՆԱՍԴԱՔՕԷՄԷՔՍ Արմենիա” բորսայում այսօր՝ սեպտեմբերի 27-ին ամերիկյան դոլարի միջին փոխարժեքը հայկական դրամի նկատմամբ կազմել է 405,62 դրամ:  Բորսայում այսօր վաճառվել է 7,85 մլն դոլար: Կանխիկ արտարժույթի շուկայում դոլար կարելի է գնել արդեն 406 դրամով: Դոլարի առքն իրականացվում է 404 դրամով: