«Նուբարաշեն» ՔԿՀ աշխատակիցը հեռախոսի դիմաց դատապարտյալից կաշառք է պահանջել

Հայաստանի արդարադատության նախարարության «Նուբարաշեն» քրեակատարողական հիմնարկի անվտանգության ապահովման աշխատակցի հաղորդման հիման վրա ՀՀ հատուկ քննչական ծառայությունում նախապատրաստված նյութերով` ՀՀ քրեական օրենսգրքի 309-րդ հոդվածի 1-ին մասի (պաշտոնական լիազորություններն անցնելը), 311-րդ հոդվածի 2-րդ 3-րդ կետի (կաշառք ստանալը), 312-րդ հոդվածի 1-ին և 2-րդ մասերի (կաշառք տալը) հատկանիշներով հարուցվել է քրեական գործ:

Կատարվում է նախաքննություն:

Այս մասին Armlur.am-ը տեղեկանում է ՀՔԾ պաշտոնական կայքէջից:

«Նուբարաշեն» ՔԿ հիմնարկի պետական հատուկ ծառայություն իրականացնող պաշտոնատար անձը, ի պաշտոնե իրավունք ունենալով մուտք գործել նշված հիմնարկի տարածք, պայմանավորվածություն է ձեռք բերել նույն հիմնարկում պատիժ կրող դատապարտյալների հետ` խոշոր չափերով կաշառք ստանալու պայմանով նրանց բջջային հեռախոսներ հանձնելու հարցի շուրջ:

Հանցավոր մտադրությունն իրականացնելու նպատակով պաշտոնատար անձն այս տարվա մայիսին N հատ բջջային հեռախոս տեղափոխել է «Նուբարաշեն» ՔԿ հիմնարկի տարածք և փոխանցել դատապարտյալին` ստանալով կաշառք:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: