Գրիզմանը դարձավ «Աթլետիկոյի» ֆուտբոլիստ

 «Ռեալ Սոսյեդադի» և Ֆրանսիայի հավաքականի կիսապաշտպան Անտուան Գրիզմանը պաշտոնապես դարձել է Մադրիդի «Աթլետիկոյի» ֆուտբոլիստ: Այս մասին հաղորդում է ակումբի կայքը:

23-ամյա ֆուտբոլիստը 6 տարվա պայմանագիր է կնքել մադրիդցիների հետ:

Նշենք, որ Իսպանիայի նախորդ առաջնությունում Գրիզմանը «Ռեալ Սոսյեդադի» կազմում մասնակցել է 35 խաղի՝ դառնալով 16 գոլի և 4 գոլային փոխանցման հեղինակ: