Ռուսաստանի Դաշնության պետդումայի մի խումբ պատգամավորներ ժամանել են Գյումրի՝ ծաղկեպսակներ դնելու` ի հիշատակ Գյումրիում սպանված ընտանիքի յոթ անդամների: Պատգամավորական խմբում են նաև ԱՊՀ-ի գործադիր կոմիտեի անդամները և ՌԴ Պետդումայի նախագահի խորհրդականը:
Ինչպես փոխանցում է Գյումրիի մեր թղթակիցը, պատվիրակության կազմում են եղել տեղական և մարզային իշխանությունների ներկայացուցները, ինչպես նաև՝ Գյումրիից ընտրված ԱԺ պատգամավորներ: Պետդումայից ժամանած պատվիրակությանն ուղեկցել են ՀՀԿ խմբակցության ղեկավար Վահրամ Բաղդասարյանը և ԱԺ փոխխոսնակ Էդուարդ Շարմազանովը:
ԱԺ ՕԵԿ խմբակցության պատգամավոր Հովհաննես Մարգարյանը Armlur.am-ի հետ զրույցում նշեց, որ ՌԴ-ից ժամանած պատվիրակությունը եղել է «Շիրակ» գերազմանատանը, որտեղ ամփոփված են Ավետիսյանների աճյունները: Այստեղ Գյումրի ժամանած հյուրերն իրենց հարգանքի տուրքն են մատուցել հունվարի 12-ին սպանված Ավետիսյանների ընտանիքի անդամներին:
Գյումրիի մեր թղթակցի հաղորդմամբ`ՌԴ Պետդումայի պատգամավորներն համոզմունք են հայտնել, որ իրենք ևս կողմնակից են Պերմյակովին ՀՀ օրենսդրությամբ պատժելուն:
.gif)
