ՕԵԿ և ԱԱԽ նախկին խոսնակ Արթուր Միսակյանը, որ աչքի է ընկնում իր ընդգծված ընդդիմադիր հայացքներով, հայտարարել է նորից քաղաքականությամբ զբաղվելու մասին:
Նա իր ֆեյսբուքյան էջում գրել է.
«Հայտարարություն
Հարգելի գործընկերներ, որոշում եմ կայացրել կրկին ակտիվ ու անմիջական մասնակիցը դառնալ մեր երկրի հասարակական-քաղաքական գործընթացներին:
Կարծում եմ, որոշակի վերապահումներով, արտահերթ խորհրդարանական ընտրությունները հնարավորություն են երկրում մթնոլորտն առողջացնելու և պետության ընթացքը բնականոն հուն տեղափոխելու համար: Հետևաբար յուրաքանչյուրս մեր հնարավորությունների և ուժերի չափով պետք է փորձենք այդ գործին նպաստ բերել:
Սակայն քաղաքական դաշտի նման աղճատվածության պարագայում դժվար է ասել, թե որ քաղաքական թիմի հետ պետք է միավորել ջանքերը։ Դա խորքային քննարկելու հարց է, ինչը և կանեմ առաջիկայում, հետևաբար այսօրվանից բոլոր շահագրգիռ քաղաքական ուժերի և գործիչների հետ սկսելու եմ քննարկումների և կոնսուլտացիաների շարք»:
.gif)
