Ձախ ծայրահեղական «Հեղափոխական ժողովրդա-ազատագրական ճակատը» (DHKP-C) Ստամբուլի դատարանում պատանդ է վերցրել դատախազին, գրում է թուրքական «Հյուրիյեթը»: Խմբավորումը լուսանկար է հրապարակել, որում ատրճանակը պահված է պատանդի գլխին:
Շենքից տարհանել են բոլոր քաղաքացիական անձանց, շենք են մուտք գործել հատուկ ջոկատայինները:
DHKP-C մեղադրում է իշխող Արդարություն ու զարգացում կուսակցությանը 15-ամյա երիտասարդ Բերկին Էլվանի սպանության մեջ, ով սպանվել էր 2013 թ հակակառավարական բողոքի ցույցերի ժամանակ: Գերեվարված դատախազը զբաղվել է Էլվանի սպանության հանգամանքների հետաքննությամբ:
Զինյալները պահանջում են, որպեսզի ոստիկանը, ով ըստ նրանց` սպանել է պատանուն, հեռուստատեսությամբ խոստովանի իր մեղքը: Բացի այդ, ծայրահեղականները ցանկանում են, որպեսզի սպանության հետ կապ ունեցող ոստիկաններին դատի հանրությունը, իսկ այն մարդկանց հանդեպ մեղադրանքները, ովքեր փողոց են դուրս եկել` ի աջակցություն Էլվանի, հանվեն:
.gif)
