Լոռու մարզի առաջին ատյանի դատարանը՝ նախագահությամբ դատավոր Աղասի Մկոյանի, այսօր կայացրեց մեղադրական դատավճիռ՝ գրող Հրանտ Մաթևոսյանի եղբորորդու՝ Մոտկորի անտառապետ Թովմա Մաթևոսյանի սպանության համար ՀՀ Քր. օր. 104 հոդվածի 1-ին մասով մեղավոր ճանաչելով բնապահպանության տեսուչ Տիգրան Մելիքյանին և դատապարտելով նրան ազատազրկման 10 տարի ժամկետով:
Խափանման միջոց կալանավորումը թողնվեց անփոփոխ, պատժի սկիզբը հաշվարկվեց 2012 թվականի մայիսի 25-ից: Դատավոր Աղասի Մկոյանը տուժողի իրավահաջորդի քաղաքացիական հայցը բավարարեց մասնակիորեն՝ 1 մլն 500 հազար դրամի չափով, որը բռնագանձվելու է ամբաստանյալից հօգուտ հանգուցյալի կնոջ՝ որպես կատարված հուղարկավորության ծախս: Քաղաքացիական հայցը մնացած մասով դատարանը թողեց առանց քննության:
.gif)
