ՊՍԺ-ն պատրաստ է տրանսֆերի հանել Իբրահիմովիչին

Ֆրանսիական ՊՍԺ-ն այս ամռանը կարող է տրանսֆերի հանել Զլատան Իբրահիմովիչին, հայտնում է  og.ru-ն ` հղում անելով France Football-ին: Ֆուտբոլիստի պայմանագրի ժամկետն ավարտվում է միայն հաջորդ տարի, սակայն ակումբը ֆուտբոլիստին ազատ գործակալի կարգավիճակ կշնորհի:

Ակումբի ղեկավարությունը դժգոհ է ֆուտբոլիստի որակազրկումներից, որի պատճառը մրցավարների և լրատվամիջոցների ներկայացուցիչների հետ ունեցած վեճերն են: Ֆրանսիացիները պատրաստ են նոր հարձակվող հրավիրել Իբրահիմովիչի տրանսֆերի հաշվին: