Հանրային ծառայությունները կարգավորող հանձնաժողովի` էլեկտրաէներգիայի սակագնի բարձրացման մասին հիմնավորումները հիմնականում չեն տարբերվում նախորդ տարվա թանկացման հիմնավորումներից: Այսօր ԱԺ ճեպազրույցների ժամին այս մասին նշեց ԲՀԿ պատգամավոր Միքայել Մելքումյանը և հավելեց, որ ուսումնասիրել է ՀԿԾՀ-ի հայցը:
«Առաջին հիմնավորումն ատոմակայանի աշխատանքի ոչ պլանային կանգն է: Ատոմակայանն ամեն տարի պլանային 45 օր չի աշխատում, իսկ դրանից դուրս աշխատանքի կանգն արդեն ոչ պլանային է: Վերջին երեք տարում մեր կլիմայական պայմանները հանգեցնում են նրան, որ մենք սակավաջուր տարի ենք ունենում, ինչի հետևանքով էլ հիդրոէներգետիկան քիչ էլեկտրաէներգիա է արտադրում»,-նշեց Մելքումյանը:
Պատգամավորն այն կարծիքին է, որ ՀԷՑ-ի վնասները հարկավոր է փոխհատուցել, այլապես այն կարող է սնանկանալ: «ՀԷՑ-ի ծախսերի փոխհատուցմահ համար պետությունը կարող է ունենալ լուծումներ: Պետությունը կարող է փոխառու միջոցներ ներգրավել ՀԷՑի գրավադրման հաշվին, այլ լուծումներ նույնպես կան, երբ բոլոր ռիսկերը դիվերսիֆիկացվում են արտադրող կայանների միջև, և միայն ՀԷՑ-ը չի կրում պատասխանատվություն, այլ թերմատակարարված էլեկտրաէներգիայի դիմաց պատասխան են տալիս բոլոր արտադրող կայանները», – հավելեց Մելքումյանը:
.gif)
