Քաղաքապետարանի բոլոր բարձրաստիճան պաշտոնյաները մասնակցել են «Վերջին զանգի» արարողություններին

Երևանի քաղաքապետ Տարոն Մարգարյանի հանձնարարությամբ Երևանի քաղաքապետի տեղակալները, քաղաքապետարանի աշխատակազմի վարչությունների պետերը, վարչական շրջանների ղեկավարները մայրաքաղաքի տարբեր դպրոցներում մասնակցել են վերջին զանգի ավանդական միջոցառումներին:

Քաղաքային իշխանության ներկայացուցիչները շրջանավարտներին շնորհավորել են կյանքի այս հիշարժան օրվա կապակցությամբ և նրանց փոխանցել Երևանի քաղաքապետ Տարոն Մարգարյանի շնորհավորական ուղերձն ու բարեմաղթանքները: