Մոսկվայի «Դոմոդեդովո» օդանավակայանը պայթեցնող տեռորիստը ծառայել է Ռուսաստանի ՆԳ նախարարության ներքին զորքերում: Այդ մասին հայտարարել է ներքին զորքերի գլխավոր հրամանատար Նիկոլայ Ռոգոժկինը: Եվլոեւը երեք ամիս ծառայել է Վլադիվոստոկի ոստիկանական գնդում, այնուհետեւ առողջական պատճառներով գործուղվել է հայրենիք: Հիշեցնենք, որ տեռորիստին օգնել էին նրա հարազատ եղբայրը եւ քույրը, որոնք ներկայումս ձերբակալված են: Հունվարի 24-ին տեղի ունեցած ահաբեկչության արդյունքում` մահացան 36 մարդ եւ հարյուրից ավելը վիրավորվեցին:
.gif)
