Մենք շատ տարբեր ենք որպես իշխանություններ, որպես պետություններ: Այս մասին այսօր լրագրողների հետ հանդիպման ժամանակ ասաց ԿԳ նախարար Արմեն Աշոտյանը՝ անդրադառնալով Բաքվում կայանալիք Քիմիայի օլիմպիադային և Ադրբեջանի կողմից հայ դպրոցականներին անվտանգութան երաշխիքների չտրամադրմանը:
«Ես մտածում էի, որ իրենք ավելի խելացի կլինեին»,- ասաց նախարարը: Նրա խոսքով՝ սկզբում իրենք ներքին որոշում ունեին, որ հայ դպրոցականները մասնակցելու էին օլիմպիադային. «Ես հանդիպել էի նույնիսկ հանրապետական փուլի հաղթող երեխաների ծնողների հետ»:
Արմեն Աշոտյանը հավելեց, որ ինքը պատրաստվում է դիմել միջազգային ատյաններին` կոչ են անելու նման միջազգային մրցույթները Բաքվում չկազմակերպելու համար, քանի որ դա զրկում է Հայաստանի պատվիրակությանը մասնակցելու հնարավորությունից:
Իսկ մեր թիմի ղեկավար Լիդա Սահակյանը նշեց, որ մասնակիցների թիվը 4-ն էր՝ Հայաստանի տարբեր մարզերից և Երևանից: Նրա խոսքով՝ մեր երեխաները նվազագույնը արծաթի հավակնորդ էին:
.gif)
