Օբաման թույլատրել է օդուժի օգտագործումը սիրիական ընդդիմությանն աջակցելու համար

ԱՄՆ-­ի նախագահ Բարաք Օբաման թույլատրել է ռազմաօդային ուժերն օգտագործել Սիրիայի ընդդիմադիր զինված կազմավորումներին պաշտպանելու համար, եթե նրանք հարձակման ենթարկվեն երկրի կառավարական զորքերի կամ այլ խմբավորումների կողմից. գրում է The Wall Street Journal­-ը:

Նշվում է, որ ԱՄՆ-­ի վարչակազմի ներկայացուցիչները խորապես անհանգստացած են այն բանից, որ Պենտագոնը, ռազմական ուժով պաշտպանելով սիրիական ընդդիմությանը, կարող է ոչ միտումնավոր կերպով բացահայտ հակամարտության մեջ մտնել Ասադի կառավարության հետ:

Այս որոշումը մեծացնում է վտանգը, որ ամերիկյան զինված ուժերն ուղղակի հակամարտության մեջ կմտնեն Սիրիայի նախագահ Բաշար Ասադի վարչակարգի հետ: