Խոզի գրիպի (H1N1) տարածումը խուճապ է առաջացրել ողջ աշխարհում, այն դեպքում, երբ իրականում խոզի գրիպն այնքան էլ վտանգավոր չէ, որքան սովորական գրիպը: Դրա հետևանքով մահացության թիվը նույնիսկ քիչ է, քան սովորական գրիպի դեպքում:
Խոզի գրիպի ախտանշանները
Ախտանշանները նման են սովորական գրիպի ախտանշաններին՝ բարձր ջերմություն, հազ, կոկորդի ցավ, մկանային ցավ, հոդացավ, գլխացավ, թուլություն, սարսուռ: Որոշ հիվանդների մոտ նաև՝ սրտխառնոց և ստամոքսի խանգարում:
Ախտանշաններն ի հայտ են գալիս վիրուսակիր հիվանդի հետ շփումից 3-5 օրվա ընթացքում և չեն անցնում 8 օրվա ընթացքում:
Ովքե՞ր են գտնվում ռիսկի խմբում
– սրտի քրոնիկական հիվանդություն ունեցողները, թոքերի, երիկամների, լյարդի հիվանդություն ունեցողները, շաքարախտով հիվանդները
– քաղցկեղով հիվանդները
– ճարպակալմամբ տառապողները
– հղիները
– երեխաները
– ծերերը
– առողջապահության աշխատակիցները
– նեյրոմկանային հիվանդություն և նեյրոդեգեներացիա ունեցող հիվանդները
Ո՞ր դեպքերում է անհրաժեշտ շտապ բուժօգնություն ցուցաբերել
Մարդիկ, ովքեր գտնվում են ռիսկի խմբում և չեն տառապում ծանր հիվանդություններով, կարող են հատուկ բուժօգնություն չանցնել և բուժվել տանը:
Շտապ բուժօգնություն պետք է ցուցաբերել ռիսկի խմբում գտնվողներին:
Երեխաների դեպքում ևս պետք է շտապ բժշկի դիմել հետևյալ ախտանշաններից գոնե մեկի հայտնաբերման դեպքում.
– արագացված շնչառություն
– մաշկի կապույտ երանգ
– երեխան ջուր կամ այլ հեղուկներ չի խմում
– սրտխառնոց
Ինչպես պաշտպանվել խոզի գրիպից, եթե ընտանիքի անդամները վարակվել են. կանխարգելման միջոցները
Խոզի գրիպով վարակվածը չպետք է շփվի երեխաների հետ: Ցանկալի է, որպեսզի մեծերից մեկը խնամի հիվանդին: Ռիսկի խմբում գտնվողները պետք է խուսափեն հիվանդի հետ շփումից: Այլ տարբերակ չկա. հիվանդը պետք է դիմակ կրի:
Հիվանդը պետք է որքան հնարավոր է հեռու գտնվի իր ընտանիքի անդամներից:
Արդյունավե՞տ է արդյոք դիմակի կրումը
Այս հարցում տարբեր կարծիքներ կան:
Մասնագետները պնդում են, որ դիմակի կրումն օգտակար է հետևյալ դեպքերում.
– հիվանդին այցելության ժամանակ
– հիվանդանոցներում, մարդաշատ վայրերում, վատ օդափոխվող տարածքներում գտնվելու ժամանակ
Ինչպե՞ս լվանալ հիվանդի հագուստը
Անհրաժեշտ է ախտահանել հագուստի մակերեսը, որը գտնվում է հիվանդի մահճակալի մոտ, ինչպես նաև զուգարանը և այն իրերը, որոնց դիպչել է հիվանդը: Անհրաժեշտություն չկա առանձին լվանալ հիվանդի հագուստն ու անկողինը:
Լվանալուց հետո անհրաժեշտ է անմիջապես լվանալ ձեռքերը:
Ինչպե՞ս վարվել վարակի ժամանակ
Խուսափեք անծանոթ մարդկանց հետ համբույրներից, գրկախառնություններից և ձեռքսեղմումներից: Դիմակ կրե’ք և լվացե’ք ձեռքերը օճառով:
Ամենագլխավորը՝ խուճապի չմատնվել: Շատ դեպքերում խոզի գրիպը, ինչպես և գրիպի այլ տեսակներ, անցնում են առանց բարդացումների և վտանգ չեն ներկայացնում կյանքի համար:
.gif)
