Սեփական անձի վրա ծիծաղելու այնքան տեղ ունեմ, որ ուրիշների վրա ծիծաղելու ժամանակ չի մնում. Ռուբեն Բաբայան (տեսանյութ)

Երևանի պետական տիկնիկային թատրոնի տնօրեն, գեղարվեստական ղեկավար Ռուբեն Բաբայանը դերասան չի դարձել, բայց բեմադրիչի աշխատանքից էլ դժգոհ չի: Ու թեև ուսանողական տարիներին բեմական խոսք առարկայից միշտ բարձր գնահատականներ է ստացել, ասում է` դերասան լինելու համար որոշակի գործիքներ էին անհրաժեշտ` համապատասխան արտաքին, կազմվածք,  պլաստիկա,  ձայն և այլն: Այնուամենայնիվ, Ռուբեն Բաբայանի արտաքին տվյալներն էլ որոշիչ եղան. այսօր  նկարիչները  թատրոնի տիկնիկները ստեղծելիս փորձում են արտացոլել նրա դիմագծերը: Ժամանակ առ ժամանակ տիկնիկներն արտահայտում են բեմադրիչի կյանքի տարբեր ժամանակահատվածների հոգեվիճակները:

Ի դեպ, մի քանի օր անց Ռուբեն Բաբայանի ծննդյան օրն է, իսկ նա Armlur.am-ի տեսախցիկի առջև  խոստովանել է, որ իր ապրած տարիները խելքը չեն ավելացրել: Իր ուժեղ կողմը բեմադրիչը համարում է ներողություն խնդրելու ունակությունը: Նա անկեղծորեն նկատել է, որ իր մասնագիտությունը երբեմն պահանջում է ակամա դաժան լինել մարդկանց  նկատմամբ. ինքը, սակայն,  ոչ միշտ է կարողացել դա անել` նախապատվությունը տալով մարդկային գործոնին:

Մանրամասները`  Armlur.am-ի տեսանյութում:

Աննա Բաբաջանյան, Հովսեփ Հովսեփյան, Նարեկ Սարգսյան