Բուլղարիայում ընթացող Դան Կոլովի և Նիկոլա Պետրովի անվան ըմբշամարտի միջազգային մրցաշարի շրջանակներում երեկ պայքարի մեջ մտան 71 կգ քաշային Միհրան Հարությունյանը և 98 կգ քաշային Արթուր Ալեքսանյանը։ 71 կգ քաշային Հարությունյանը մեկնարկային գոտեմարտում 8:0 հաշվով հաղթեց Բուլղարիայի ներկայացուցիչ Մայկալ Իզմիրլիսկիին։
Արդեն ¼ եզրափակչում Արթուրը 8:0 հաշվով հաղթեց եգիպտացի Ահմեդ Օսմանին, կիսաեզրափակչում Ալեքսանյանը նույն 8։0 հաշվով առավելության հասավ իրանցի Ամիրհոսեին Հոսեինի նկատմամբ։ Եզրափակիչ գոտեմարտում մեր ըմբիշը 4:0 հաշվով պարտության մատնեց Բուլղարիայի ներկայացուցչին՝ երրորդ տարին անընդմեջ նվաճելով մրցաշարի ոսկե մեդալը:
Հաջորդ գոտեմարտերում Միհրանը պարտության մատնեց իտալացի Դավիդե Կասկավիլային և Ալժիրի ներկայացուցիչ Բոուջեմլինե Աքրեմին։ Եզրափակիչ գոտեմարտում Հարությունյանը 4:0 հաշվով հաղթեց եգիպտացի Ադհամ Ահմեդ Սալեհին՝ նվաճելով մրցաշարի ոսկե մեդալները:
Հավելենք, որ արդեն այսօր մրցագորգ են դուրս գալու Մաքսիմ Մանուկյանը եւ Արթուր Շահինյանը (85 կգ):
.gif)
