Ռուսաստանը չի հրաժարվի «Թուրքական հոսք» գազամուղի ծրագրից, ինչպես նաև «Ակկույա» ԱԷԿ-ի ծրագրից: Այս մասին հայտարարել է Անկարայում ՌԴ դեսպան Անդրեյ Կառլովը, փոխանցում է «ՌԻԱ Նովոստի»-ն:
«Ռուսաստանը չի հրաժարվի «Թուրքական հոսք»-ից: Ներկայիս պայմաններում դժվար է կանխատեսել ծրագրի ապագան, քանի որ մենք ակնկալում ենք, որ թուրքական կողմը կանի այն, ինչ պետք է աներ միջպետական հարաբերությունների կարգավորման համար»,-ասել է նա:
Հունվարին Ռուսաստան թուրքական ապրանքների արտահանման ծավալները կրճատվել են 3 անգամ:
Ավելի վաղ ՌԴ դեսպանը հայտարարել էր, որ Ռուսաստանը շարունակում է սպասել Թուրքիայի ներողություններին:
Թարգմանիչ՝ Քրիստինե Պողոսյան
.gif)
