Փետրվարի 17-ին` ժամը 20։00-ի սահմաններում, ՀՀ Ազգային ժողովի նախագահ Գալուստ Սահակյանի ինքնազգացողությունը վատացել է, այցելել է բժշկական հետազոտության։ Արդյունքում պարզվել է, որ կտրուկ տատանվել է Գալուստ Սահակյանի ճնշումը։ Բժիշկները նշանակել են ամբողջական հետազոտություն, որի արդյունքում ախտորոշվել է արյան շրջանառության անցողիկ խանգարում, նշանակվել է բժշկական հսկողություն։
ՀՀ ԱԺ նախագահի առողջական վիճակը գնահատվել է բավարար, ինքնազգացողությունը հիվանդանոցում մշտապես եղել է լավ։
Նշենք, որ խորհրդարանի ղեկավարը գտնվում է Երևանի Մխիթար Հերացու անվան պետական բժշկական համալսարանի «Հերացի» թիվ 1 հիվանդանոցում։
Հավելենք, որ այսօր Արմեն Մուրադյանը լրագրողների հետ զրույցում նույնպես հավաստիացրել է, որ Գալուստ Սահակյանի վիճակը լավ է, սակայն նա դեռ կմնա հիվանդանոցում:
.gif)
