Սիրիայի նախագահ Բաշար Ասադն այցելել է սիրիական արաբական բանակի զորամասեր Դամասկոսի Արևելյան Գութա արվարձանի առաջնագիծ, փոխանցում է սիրիական SANA գործակալությունը:
Գործակալության տեղեկություններով՝ Ասադը հետևել է, թե ինչպես են զինծառայողները հաջող պայքար տանում ահաբեկչական կազմակերպությունների դեմ, որոնք տարբեր հանցագործություններ են իրականացնում խաղաղ բնակիչների դեմ:
Ասադն ընդգծել է, որ հերոսական զինվորական օպերացիաները, որոնք անցկացվում են սիրիական բանակի կողմից, նոր փառահեղ էջ են բացում Սիրիայի պատմության մեջ:
Իր հերթին, զինծառայողներն ընդգծել են, որ կշարունակեն պայքարը մինչև վերջ:
Ասադը ընթրել է զինծառայողների հետ Մարջ Աս-Սուլթան օդանավակայանում:
.gif)
