«Գագիկ Ծառուկյանը, մտնելով քաղաքականություն, դրանով չի ապրում»:Խաչիկ Գալստյան Այն, որ Գագիկ  Ծառուկյանը  նախքան քաղաքականությամբ զբաղվելն էլ  Հայաստանի ամենահարուստ մարդն էր, հայտնի է բոլորին:  Սակայն հարցն այն է, թե  արդյո՞ք նա կշարունակեր մնալ նույնքան հարուստ, եթե չմտներ քաղաքականություն: Ամեն դեպքում Ծառուկյանը, փորձելով քաղաքական խաղի մեջ մտնել շախմատիստ  Սերժ Սարգսյանի հետ, ստիպված է սեփական մաշկի ու միլիոնների վրա զգալ շախմատային հայտնի «ձեռք ես տվել` խաղա»  օրենքի ուժը: Ուստի,  եթե նախկինում ԲՀԿ առաջնորդը ցանկանում էր մտնել քաղաքականություն սեփական միլիոնները պահպանելու համար, ապա հիմա  նա երազում է դուրս գալ այդ նույն  միլիոնները չկորցնելու համար: