Օրերս հայտնի դարձավ, որ Microsoft-ի հիմնադիր, միլիարդատեր Բիլ Գեյթսի կարողությունը հասել է ռեկորդային՝ 90 միլիարդ դոլարի: Այդպիսով, նա դարձել է պատմության մեջ ամենահարուստ բիզնեսմենը:
Եվ զարմանալի չէ, որ Բիլ Գեյթսն ապրում է նման շքեղ տանը:
Ներկայացնում ենք փաստեր միլիարդատիրոջ՝ 123 միլիոն դոլար արժողությամբ տան մասին.
Տունը զբաղեցնում է ավելի քան 6 հազար քառակուսի մետր: Կառուցման համար ավելի քան 1000 կուբամետր փայտանյութ է անհրաժեշտ եղել: Ավելի քան 300 բանվոր է աշխատել, այդ թվում՝ 100 էլեկտրագործ:
Այժմ տունն արժե 123 միլիոն դոլար: Գեյթս այն ձեռք է բերել 1988թ. 2 միլիոն դոլարով:
Բարձր տեխնոլոգիական սենսորային համակարգը թույլ է տալիս հյուրերին հետևել սենյակի ջերմաստիճանին և լուսավորությանը:
Ջեռուցման ծախսերը կրճատելու համար օգտագործվում է շրջակա բնությունը:
Արվեստի գլուխգործոցը կարելի է փոխել մեկ կոճակ սեղմելով: Տան տարբեր անկյուններում տեղակայված 80 հազար դոլար արժողությամբ էկրանները ցույց կտան ցանկացած նկար կամ լուսանկար:
Լողավազնում երաժշտական համակարգ է տեղակայված: Լողավազանն առանձին շենքում է տեղակայված, այն 1200 քառ.մ. տարածք է զբաղեցնում:
Տան մեջ կա բատուտով և 6-մետրանոց առաստաղով սենյակ: Ինչպես նաև սպորտզալ՝ 762 քառ.մ. տարածքով:
Տան մեջ 24 լոգասենյակ կա:
6 խոհանոց, որոնք տան տարբեր հատվածներում են:
Ահռելի գրադարանում կա ձեռագիր, որի համար Գեյթսը ավելի քան 30 միլիոն դոլար է վճարել:
Ինչպես նաև կինոթատրոն՝ մինչև 20 մարդու համար:
Տունը, որն ապագա կալվածքի վայրում էր գտնվում, ստիպված են եղել տեղափոխել զբոսանավով:
Ընդհանուր առմամբ, առանձնատան ավտոտնակներում 23 մեքենա կա:
Բիլ Գեյսթը սիրելի ծառ ունի, որին հետևում են օրական 24 ժամ: Ասում են, որ Գեյթսը կապվել է 40 տարեկան ծառի հետ: Ծառին հետևում են համակարգիչների օգնությամբ: Եթե այն ջրի կարիք է ունենում, ավտոմատ միանում է ոռոգումը:
Microsoft-ն ամեն տարի աճուրդ է կազմակերպում, որտեղ աշխատակիցները ցուցադրում են իրենց արտադրանքն ու ծառայությունները: Ստացված միջոցները փոխանցվում են ընկերության բարեգործական հիմնադրամին: Puget Sound Business Journal ամսագրի համաձայն՝ Microsoft-ի աշխատակիցներից մեկը 35000 դոլարով տուր է գնել դեպի առանձնատուն:
.gif)
