Թուրքական Բիթլիս և Մուտկի քաղաքների քաղաքապետերն այցելել են Լոնդոնում գտնվող հայկական Սուրբ Սարգիս եկեղեից և Հայոց ցեղասպանության մասին հայտարարություն արել, հայտնում է Massis Post-ը:
Հուսեյն Օլանն ու Օզքան Բերդիկը, ովքեր ծագումով քրդեր են, հանդիպել են եպիսկոպոս Հովակիմ Մանուկյանի հետ և քննարկել հայկական սփյուռքի և Թուրքիայի քրդական համայնքների միջև կապերը:
Այցի շրջանակներում թուրքական քաղաքների քաղաքապետերը հանդես են եկել հայտարարությամբ, որում կոչ են արել հայերին ամրապնդել կապերը: «Օսմանյան Կայսրությունում շատ հայեր են բնակվել: Միլիոնավոր հայեր սեփական իշխանությունների քաղաքականության զոհն են դարձել: Թուրքիան մինչ այժմ հերքում է այն, ինչ տեղի ունեցավ 1915թ. հայերի հետ»,-ասվում է քաղաքապետերի հայտարարության մեջ:
.gif)
