Այսօր չլուծված շատ ու շատ խնդիրներ կան. առողջապահության նախկին նախարարը` ոլորտի խնդիրների մասին

ՀՀ նախագահի հրամանով երեկ առողջապահության նախարարի պաշտոնում նշանակվել է «ԻՆԳՈ Արմենիա» ապահովագրական ընկերության գործադիր տնօրեն Լևոն Ալթունյանը:

Այս առնչությամբ ArmLur.am-ը զրուցեց նախկին առողջապահության նախարար Արարատ Մկրտչյանի հետ` փորձելով հասկանալ, թե ինչ բարեփոխումների կարիք ունի առողջապահության նախարարությունը և կա՞ արդյոք մի խնդիր, որը չի լուծվել Արմեն Մուրադյանի պաշտոնավարման ընթացքում  և պետք է անհապաղ օրակարգ մտնի  Լևոն Ալթունյանի ժամանակ:

Մեր այս հարցին ի պատասխան` Արարատ Մկրտչյանը նշեց. «Մի քիչ դժվարանում եմ պատասխանել: Առողջապահական խնդիրները բազմազան են, որքան բարդ է մեր հասարակությունը, այնքան բարդ է մարդն իր առողջությամբ: Իհարկե, այսօր չլուծված շատ ու շատ խնդիրներ կան»:

Մեր զրուցակցը գտնում է, որ կոնկրետ խնդիրների վրա այժմ չի կարող հիմնվել, քանի որ նախարարը նոր է նշանակվել և առաջիկայում սպասվում է կառավարության ծրագրի ներկայացում, որտեղ կներկայացվի նաև առողջապահության մասով ծրագիր:

Իսկ Լևոն Ալթունյանի մասին Արարատ Մկրտչյանը ոչինչ չնշեց, քանի որ ծանոթ չէ նրա գործունեությանը և մարդկային որակներին:

Լիդա Եղիազարյան