Վեյփերների համաշխարհային դաշինքը սխալ թշնամության դեմ է պայքարում

Worldvapersallience.com-ը վերջերս կոչ է տարածել ծխելու դեմ պայքարի վերաբերյալ․

Մայքլ Լանդլը գրում է, որ վերջին տարիներին վնասի նվազեցման և վեյփինգի թեման շրջապատված էր չարդարացված թշնամությամբ: Առողջապահության համաշխարհային կազմակերպությունը (ԱՀԿ) և նրա գործադիր տնօրեն՝ դոկտոր Թեդրոս Ադհանոմ Գեբրեյեսուսը ևս մեկ անգամ դեմ են արտահայտվել վեյփինգին, գլոբալ համաճարակի վերաբերյալ իրենց վերջին զեկույցի՝ «Զեկույց ծխախոտային համաճարակի դեմ, 2023» ժամանակ: Ցավոք, այս մոտեցումը սխալ է և, ի վերջո, տապալում է ամբողջ աշխարհում հանրային առողջության բարելավման նպատակը:

Եկեք պարզություն մտցնենք այս խնդրի մեջ։ Հիմնական նպատակը պետք է լինի ծխելու վնասի նվազեցումը և ծխելու կործանարար հետևանքների զսպումը:

Այնուամենայնիվ, ԱՀԿ-ն շարունակում է կենտրոնացնել իր ամբողջ էներգիան վեյփինգի դեմ պայքարի վրա, որը ծխելը թողնելու ամենահաջող միջոցներից մեկն է:
Ի պատասխան ԱՀԿ-ի վերջին զեկույցի՝ ակնհայտ է, որ ղեկավարությունը լի է կանխակալ հակավեյփինգային ահաբեկմամբ և չհիմնավորված պնդումներով ու հայտարարություններով: ԱՀԿ-ի բացասական մոլուցքը վեյփինգի նկատմամբ անտեսում է այն փաստը, որ այն երկրները, որոնք բաց և սպառողական մոտեցում ունեն վնասը նվազեցնող արտադրանքի նկատմամբ, ավելի խոստումնալից արդյունքներ են ունեցել ծխելու մակարդակի նվազեցման հարցում:
Եկեք դիտարկենք հիմնական փաստարկներից մի քանիսը, թե ինչու է վնասի նվազեցման և վեյփինգի նկատմամբ այս թշնամանքը վնասում հանրային առողջությանը.

1. Ապացույցների վրա հիմնված վնասի նվազեցում.

Սիգարետի այլընտրանքները մշտապես ցուցադրել են իր ներուժը որպես վնասի նվազեցման արդյունավետ գործիք: Հետազոտությունները ցույց են տալիս, որ վեփինգը մոտավորապես 95%-ով ավելի քիչ վնասակար է, քան սիգարետ ծխելը, ինչը այն դարձնում է ավելի քիչ վտանգավոր այլընտրանք նրանց համար, ովքեր ցանկանում են թողնել ծխելը:

2. Սխալ պատկերացում ծխելու անցման մասին.

ԱՀԿ-ի զեկույցը ներառում է վեյփինգից ծխելու անցման էֆեկտի սխալ պատկերացումը, հատկապես երիտասարդների շրջանում: Այնուամենայնիվ, բազմաթիվ ուսումնասիրություններ հերքել են այս պնդումը։ Անչափահասի վարքագծի վրա ավելի մեծ ազդեցություն ունեն այնպիսի գործոններ, ինչպիսիք են անհանգստությունը, ծնողների ծխելը, հասակակիցների վերաբերմունքը և ընտանիքի եկամուտը: Բարդությունների անտեսումը և ապատեղեկատվություն տարածելը արջի ծառայություն է մատուցում հասարակությանը:

3. Հաջողության համեմատական պատմություններ.

Այնպիսի երկրները, ինչպիսիք են Շվեդիան և Մեծ Բրիտանիան, վնասի նվազեցման առաջադեմ քաղաքականությամբ (որը ներառում է վեյփինգը) հաջողությամբ նվազեցրել են ծխելու մակարդակը: Այս երկրներում դրական արդյունքները կտրուկ հակադրվում են այն երկրներին, որոնք հետևում են ԱՀԿ-ի սահմանափակող մոտեցմանը: Վնասի նվազեցման փաստերի վրա հիմնված միջամտությունները կարող են հանգեցնել ծխելու ավելի մեծ կրճատմանը ամբողջ աշխարհում:

4. Կենտրոնացեք իրական խնդիրների վրա.

Պետք է անդրադառնալ և լուծում տալ իրական խնդիրներին, ինչպիսիք են տարիքային սահմանափակումների սահմանումը, որպեսզի անչափահասներին թույլ չտան օգտագործել ծխախոտային արտադրանք և բարելավել ծխելու դեմ պայքարի միջոցները: Վեյփինգի մասին բամբասանքը շեղում է հիմնական նպատակից, այն է նվազեցնել ծխելու մակարդակը և լուծել հանրային առողջության կարևորագույն խնդիրները:

Թեև մենք համաձայն ենք, որ անչափահասներին սիգարետից և վեյփինգային արտադրանքներից պաշտպանելը կենսական նշանակություն ունի, նույնքան կարևոր է գիտակցել վեյփինգի օգտագործման հնարավոր օգուտները չափահաս ծխողների համար, ովքեր ցանկանում են թողնել ծխելը: Վեյփինգը հզոր գործիք է, որն օգնել է միլիոնավոր ծխողների սովորական սիգարետից անցնել վեյփինգի: ԱՀԿ-ն չի աջակցում ծխողների շարժմանը դեպի ավելի առողջ ապրելակերպ անտեսելով դրա ներուժը։

Ամբողջական նյութը՝ այստեղ