Քաղաքացի Նարինե Մանուկյանը համացանցում խայտառակ աղաղակող փաստերով ջրի երես է հանել ՀՀ աշխատանքի եւ սոցիալական հարցերի նախարար Արտեմ Ասատրյանի գործելաոճը: Պարզվում է՝ սոցապնախարարը հաշմանդամ երեխաների անվասայլակների վրա գումար է աշխատում, զինհաշմանդամների ու «Փարոս» ստացողների գումարներն է յուրացնում:
«Ամենաքիչը 4 տարի է՝ ձեր տարբեր բաժինների պետերի հետ զրույցներում նշում ենք, որ այն մանկական հաշմանդամային սայլակները, որ արդեն տարիներ է ներկրվում են ձեր կողմից, միանգամայն ԱՆՊԵՏՔ են, ավելին ասեմ` խարխուլ ու հնամաշ, չեն ծալվում եւ չեն համապատասխանում ոչ մի ստանդարտի: Չեմ հասկանում՝ ում համար եւ ինչ նպատակով եք դրանք ներմուծում, եթե ոչ մի երեխայի պետք չեն, պատկերացնում եմ՝ ինչ է կատարվում ձեր պահեստներում: Ավելին՝ նույնիսկ այդ անպետք սայլակի համար հերթագրում են ու 10.000 դրամ պահանջում` հերթն առաջ տալու համար :))) Էլ չեմ խոսում այն մասին, որ հաշմանդամություն ունեցող երեխային այլ ԱՆՀՐԱԺԵՇՏ ԳՈւՅՔ` քայլակ, կանգնակ, բռնակներ, աթոռներ առհասարակ չեն տրամադրվում: Ես բազմիցս առաջարկել եմ քննարկել այս հարցը, ԱՆՎՃԱՐ աշխատել ձեզ հետ, օգնել, կոնկրետ նշել եմ տեսակներ, որոնք հարմար են, ձեր աշխատակիցները խոստացել են անդրադառնալ ու վերջ: Հաշմանդամություն ունեցող երեխաների ծնողները դռնեդուռ ընկած գույք են խնդրում, այնինչ՝ հիշեցնեմ, որ Դուք ու Ձեր բոլոր աշխատակիցները, նաեւ այն կազմակերպությունները, որոնք տարիներ շարունակ, արդեն ավտոմատ կերպով ստանում են չհայտարարված ու անհասկանալի տենդերներ, սնվում են հենց այս եւ մյուս ՀՀ քաղաքացիների հարկերից»:
Քաղաքացու խոսքերով՝ «Մյուս ու ամենաանկազմակերպ ճյուղը ԲՍՓՀ-ներն են, որտեղ հաշմանդամություն ունեցող երեխաների ծնողներին ոչ միայն հոգեբանորեն ավելի են ճնշում ու կոմպլեքսավորում ԽՂՃՈւԿ ԹՈՇԱԿԻ համար` ամսեկան 21.000 ՀՀ դրամ, այլեւ «Փարոսից» օգտվող ծնողից պահանջում են 10.000 դրամ, կամ ավելի դաժանները` 2-3 ամսվա թոշակ, որ ավելի «արագ» կատարեն իրենց ՊԱՐՏԱԿԱՆՈւԹՅՈւՆՆԵՐԸ: Ամեն ասածս խոսքի համար ունենք մինիմում 10 ՓԱՍՏ` ԿՈՆԿՐԵՏ ՕՐԻՆԱԿ, որը, իհարկե, ձեզ եւ ձեր գեղեցկուհի վարչության պետերին չեն հետաքրքրի, բայց, դե, պարտավոր եմ ասել: Մեր կազմակերպության բարերարներն ու մենք ենք կատարում այս ոլորտում օրենքով նախատեսված ձեր հիմնարկի գործառույթը հանդիսացող աշխատանքը արդեն 4 տարի: Էլի նշեմ, որ ոչ մի շահ չեմ հետապնդում, ես կարող եմ երեխայիս տանել Եվրոպա կամ ուր ուզեմ, կարող եմ գնել ամենաթանկարժեք սայլակը, ցանկացած իր, բայց մարդիկ այսօր անօգնական են ու դիմում են կազմակերպությունների՝ ՏԱՐՐԱԿԱՆ կարիքների համար, որ ձեր բարձրությունից չեք էլ նկատում… Եվ վերջում, վերջերս «Կենսաձեւ» հաղորդաշարի շրջանակներում ծավալված քննարկումից պարզ դարձավ, որ ոչ միայն երեխաների մասով է թերանում սոցապը, այլեւ բացարձակ անմխիթար վիճակում է նաեւ զինհաշմանդամների ոլորտը, քանի որ այստեղ նույնպես գործում է «այնքան որ» եւ «պետությունն աղքատ է» թյուր աշխատելաոճը»:
«Ժողովուրդ» օրաթերթ
16 նոյեմբեր, 2016թ.
.gif)
