ՍԴՀԿ-ն որոշում է կայացրել չմասնակցել ապրիլի 2-ին կայանալիք խորհրդարանական ընտրություններին: Այս մասին այսօր հրավիրված ասուլիսի ժամանակ նշել է կուսակցության ատենապետ Նարեկ Գալստյանը` նշելով, որ այդպիսի որոշման պատճառն արհեստական խոչընդոտներն են:
«Մենք դուրս մնացինք զուտ տեխնիկական խոչընդոտների պատճառով: Բայց, ոչ մի արհեստական խոչընդոտ չի կարող մեզ հետ կանգնեցնել մեր նպատակներից, մենք շարունակելու ենք մեր պայքարը»,-հայտարարեց նա:
Գալստյանի խոսքով` իրենք պատրաստվում են մասնակցել Երևանի ավագանու ընտրություններին:
Հիշեցնենք, որ մինչ երեկ ՍԴՀԿ-ն հայտարարել էր Ծառուկյան դաշինքով ընտրություններին մասնակցելու պատրաստակամության մասին: Սակայն երեկ կուսակցությունը հայտարարեց, թե իրենք դադարեցնում են քննարկումները Ծառուկյանի հետ: Իր հերթին էլ Ծառուկյանի մամուլի խոսնակ Իվետա Տոնոյանը հայտնել էր, որ Գագիկ Ծառուկյանն այս փուլում նպատակահարմար չի գտնում ՍԴՀԿ-ի հետ դաշինքային համագործակցությունը, քանի որ առկա են ՍԴՀԿ-Վերակազմյալ ՍԴՀԿ հակասություններ ու հանրային ու քաղաքական ոչ միարժեք ընկալումներ
.gif)
