Զիմբաբվեի դպրոցներում թույլ են տվել որպես ուսման վճար ընդունել տնային անասուններին: Այդ միջոցը պետք է օգնի աղքատ ընտանիքներին: Այս մասին, ինչպես հաղորդում է BBC-ն, հայտարարել է երկրի կրթության նախարար Լազարույս Դոկորան:
BBC-ն նշում է, որ տնային անասուններով ուսման վարձը կվճարեն հիմնականում գյուղական շրջանների բնակիչները:
Ավելի վաղ զիմբաբվեացիներին թույլ էին տվել տնային անասուններով վճարել բանկային վարկերի մարման ժամանակ:
Զիմբաբվեի կրթության նախարարի խոսքով՝ ուսման համար վճարի հարցում անհրաժեշտ է ճկունություն ցուցաբերել. բացի այծերից և ոչխարներից, դպրոցները կարող են ընդունել նաև այլ ծառայություններ և աշխատանքներ, որոնք կանեն դպրոցականների ծնողները:
.gif)
