Ոսկեվազի երեք բնակչուհիներ գազի կաթսայի արտահոսքից թունավորվել են

Դեկտեմբերի 26-ին, ժամը 06.40-ին, հիվանդանոցից ոստիկանության Աշտարակի բաժնում հաղորդում է ստացվել, որ «թունավորում գազով» ախտորոշմամբ բուժօգնության են դիմել Ոսկեվազ գյուղի 3 բնակչուհիներ:

Մեկնած օպերատիվ խումբը պարզել է, որ նույն օրը, ժամը 02.30-ի սահմաններում, վերջիններս գտնվելով իրենց տանը, գազի կաթսայի արտահոսքից վատ են զգացել և դիմել են հիվանդանոց:
Նախապատրաստվում են նյութեր: