Մարտի 1-ին, ժամը 11։30-ին Մասնագիտական կրթության որակի ապահովման ազգային կենտրոնի նախաձեռնությամբ տեղի կունենա «ՄԿՈՒ-գործատու երկխոսություն․ համատեղ ռազմավարության բանաձև» թեմայով համաժողով։
Միջոցառման ընթացքում կքննարկվեն միջին մասնագիտական ուսումնական հաստատությունների և գործատուների երկխոսությունը խթանելու ուղիները, կներկայացվի գործատուների հետ համագործակցության հաջող փորձ։
Միջոցառման վայրը՝ Հայաստանի ամերիկայն համալսարան, Փարամազ Ավետիսյան մասնաշենք, Մանուկյան դահլիճ
Միջոցառման մեկնարկը՝ 11։30
***
«Նոյյան Տապան». Հյուրն է ՀՀ արտակարգ և լիազոր դեսպան՝ Արման Նավասարդյանը
01-03-2019 12:30:00 | Հայաստան | Ասուլիս
Մարտի 1-ին ժամը 12.30-ին «Նոյյան Տապան» լրատվական գործակալության մամուլի սրահում (Իսահակյան 28, 3-րդ հարկ) տեղի կունեա Հայ-ռուսական (Սլավոնական) համալսարանի համաշխարհային քաղաքականության և միջազգային հարաբերությունների ամբիոնի վարիչ, ՀՀ արտակարգ և լիազոր դեսպան Արման Նավասարդյանի ասուլիսը հետևյալ հարցերի շուրջ
1. Նիկոլ Փաշինյանի այցելությունը Իրան։
2, ՀՀ պառլամենտական պատվիրակության այցը Մոսկվա։
3. Ճգնաժամը Վենեսուելայում և հնարավոր որոգայթները ՀՀ համար։
4. Քաշմիրը միջազգային հարաբերությունների մշտական վտանգ և վերջին սրացումը։
5. Թրամփ-Կիմ երկրորդ հանդիպման հեռանկարները Ասիական-խաղաղօվկիանոսյան տարածաշրջանի և կորեական թերակղզու «դենյուկլյարիզացիայի» համար։
***
Մարտի 1-ին ժամը 13.30-ին «Նոյյան Տապան» լրատվական գործակալության մամուլի սրահում (Իսահակյան 28, 3-րդ հարկ) տեղի կունենա իրավապաշտպան Արտակ Գալստյանի («Ադոնա» իրավապաշտպան կազմակերպության նախագահ) և փաստափան Սուսաննա Սարգսյանի («Ալգա» փաստաբանական ընկերություն) ասուլիսը։
Թեման՝ «2008 թվականի մարտի 1. իրադարձություններ 11 տարի անց։ Երևանում փետրվարի 26-ին անցկացված «Հողեր չունենք տալու».կարգախոսով հայահավաքը..Արձագանքներ և դիրքորոշումներ»։
.gif)
