Այսօր 30 տարեկան հասակում կյանքից հեռացել է ծանրամարտիկ Աղասի Աղասյանը:
Հուլիսի 4-ին ավտովթար է տեղի ունեցել Տավուշի մարզում։ Ժամը 17։15-ի սահմաններում ծանրամարտիկ Աղասի Աղասյանն իր վարած Opel Astra մակնիշի 35 VG 013 համարանիշի ավտոմեքենայով Մայիսյան կամուրջ – Նոյեմբերյան ավտոճանապարհի 12-րդ կմ-ին դուրս է եկել ճանապարհի երթևեկելի գոտուց և շրջվել։
Վթարի հետևանքով վարորդ Ա․ Աղասյանը, ուղևորներ՝ Երևանի բնակիչներ 31-ամյա Հակոբ Լոբասյանը և 33-ամյա Վարդան Դավթյանը մարմնական վնասվածքներով տեղափոխվել են Իջևանի բժշկական կենտրոն։
Այսօր 30-ամյա Աղասի Աղասյանը գիտակցության չգալով մահացել է:
Աղասյանը Եվրոպայի երիտասարդական առաջնության չեմպիոն է, Հայաստանի առաջնության բազմակի չեմպիոն: Առաջին մարզիկն է, որը Ունիվերսիադայում ոսկե մեդալ է նվաճել Հայաստանի համար: Տարբեր տարիների մասնակցել է աշխարհի ու Եվրոպայի առաջնություններին:
.gif)
