Առողջապահության նախարարության որոշմամբ կփակվեն նաև Արտենիի, Ծաղկահովիտի և Արծվաբերդի ծննդատները։
Հիշեցնենք, որ Առողջապահության նախարարությունը որոշել է նաև փակել Մարալիկի, Աչաջրի, Եղվարդի ծննդատները։ Բնակիչները բողոքի ակցիաներ են անում և դեմ արտահայտվում այս որոշմանը։
«Ծնունդների թիվը շատ քիչ է, տարեկան մոտ 60 ծնունդ, մենք խոշորացված համայնք ենք, որը սպասարկում է շուրջ 22 համայնք: Մենք գրություն ենք գրել նախարարություն, որ մեր համայնքում կլիմայական պայմանները ձմռանը շատ խիստ են, և խնդրել ենք, որպեսզի ծննդատունը հնարավորության դեպքում ֆինանսավորվի և չփակվի»,-ասաց Ծաղկահովիտ համայնքի ծննդատան տնօրենը:
Ըստ տնօրենի՝ այս պահին սպասում են Առողջապահության նախարարի պատասխանին:
«Նախարարի խոսքով ծննդատան փակվելու դեպքում ծննդկաններին կընդունեն Ապարանի բժշկական կենտրոնում»,-հավելեց Արմեն Հակոբյանը:
Լիդա Եղիազարյան
.gif)
