Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանը բերման է ենթարկվել ապօրինի կերպով զենք-զինամթերք ձեռք բերելու, կրելու կամ պահելու կասկածանքով: Քրեական ոստիկանության շենքի դիմաց էին հավաքվել Ռուբեն Հայրապետյանի համախոհները: Նրանց թվում էին ՀՀԿ-ական նախկին պատգամավոր Կարինե Աճեմյանը, ԱԺ նախկին նախագահ Գալուստ Սահակյանը, ԱԺ նախկին փոխխոսնակ Էդուարդ Շարմազանովը և այլք:
Հատկանշական է այն հանգամանքը, որ Քրեական ոստիկանության շենքի մոտ էր նաև «Ցեղակրոն» կուսակցության նախագահ Շանթ Հարությունյանը որդու ՝ Շահեն Հարությունյանի հետ:
Հիշեցենք, որ 6 տարվա ազատազրկման դատապարտված Շանթ Հարությունյանը «Վարդաշեն» ՔԿՀ-ից համաներմամբ ազատ է արձակվել 2018 թվականի նոյեմբերի 6-ից ուժի մեջ մտած «Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» ՀՀ օրենքի շրջանակներում:
.gif)
