Արտակարգ դրության պայմաններում ցանկացած տիպի աշխատանք սահմանափակվում է, որն իր վատ ազդեցությունն է թողնում տնտեսության վրա։
ArmLur.am-ի հետ զրույցում, անդրադառնալով պետական բյուջեի թերակատարումներին, նման տեսակետ հայտնեց Աժ նախկին պատգամավոր Վարդան Բոստանջյանը։
«Սա Ֆինանսատնտեսական շուկայում առաջացնելու է տխուր իրավիճակ և նման պարագայում բոլորից մոբիլիզացիա է պահանջվում։ Ճիշտ քայլերի հաշվարկ։ Իմ կարծիքով սա պետք է լուրջ ընդունել, անկախ ստեղծված իրավիճակին»,֊նշեց նա։
Վարդան Բոստանջյանի կարծիով՝ մեր բնակչության մեծամասնությունը օրավարձով է աշխատում և այս պարագայում մարդիկ հայտնվել են կոտրված տաշտակի ատաջ, օրինակ՝ երթուղային տաքսու վարորդները։
«Հայաստանի ֆինանսական շուկայում կարողանում ենք կտրուկ տատանումներ թույլ չտալ, բայց դա երկար պահպանել չենք կարող»,֊հավելեց նա։
Լիդա Եղիազարյան
.gif)
