Անգլիական «Մանչեստեր Սիթին» կարծում է, որ թիմի առաջատարները ամառային տրանսֆերային պատուհանի ժամանակ չեն լքի թիմը եւ կշարունակեն պահպանել մանչեստերյան ակումբի գույները նույնիսկ այն դեպքում, եթե ՈՒԵՖԱ-ն որոշում կայացնի «Սիթիի» որակազրկումը Չեմպիոնների լիգայում պահել ուժի մեջ:
Ըստ Mirror-ի` «Քաղքայինների» ղեկավարությանը վստահություն է ներշնչել թիմի աստղերի հնչեցրած խոսքերը ՈՒԵՖԱ-ի կայացրած որոշումից հետո, ինչն էլ ստիպում է հավատալ, որ նրանք կշարունակեն խաղալ «Մանչեստեր Սիթիի» մարզաշպիկով նաեւ հաջորդ մրցաշրջանում:
Հիշեցնենք, որ ՈՒԵՖԱ-ն որոշում էր կայացրել հաջորդ 2 մրցաշրջաններում մանչեստերյան ակումբին զրկել եվրագավաթներին մասնակցությունից` ֆինանսական ֆեյր-փլոյի կանոնները խախտելու համար:
«Սիթին» արդեն բողոքարկել է այս որոշումը, սակայն այն ամենայն հավանականությամբ չի քննվի մինչեւ օգոստոս` COVID-19 կորոնավիրուսի տարածման պատճառով:
Էդմոն Մարտիրոսյան
.gif)
