Հակառակորդի կրակոցից վիրավորում ստացած երեխան տեղափոխվում է Երևան

Առողջապահության նախարարի մամուլի խոսնակ Ալինա Նիկողոսյանը սոցցանցի իր էջում հայտնում է.

Տավուշի մարզի Ոսկեվան համայնքում հակառակորդի կրակոցից վիրավորում ստացած երեխայի վիճակը բժիշկները գնահատում են կայուն ծանր, կյանքին վտանգ չի սպառնում։

Վերջինս ստացել է հրազենային վնասվածք՝ կրծքավանդակի շրջանում, իրականացվել է անհրաժեշտ առաջին բուժօգնություն։ Երեխան այս պահին տեղափոխվում է Երևան՝ «Սուրբ Աստվածամայր» բժշկական կենտրոն։