Մի քանի օր է` «Յուքոմ» ընկերության նոր տնօրեն Արա Խաչատրյանը և տնօրենների խորհուրդը համերաշխության կոչեր են ուղղում աշխատակիցներին: Նրանք հորդորում են ազատման դիմում գրած աշխատակիցներին վերադառնալ աշխատանքի: Սակայն, մեր տեղեկություններով, իրական պատկերն այլ է:
Մեր տեղեկություններով, Խաչատյաններին օգնության են հասել Ռոբերտ Քոչարյանի փաստաբանական խումբը: Ավելին, Արամ Օրբելյանը անձամբ է հանդիպում աշխատակիցներին. անձնակազմին փորձում են ահաբեկել իրավաբանների միջոցով: Ազատման դիմում գրած աշխատակիցներին նոր տնօրինության հրահանգով իր մոտ է հրավիրում անվտանգության ղեկավար Արամ Սարգսյանը, ով իր բաժնի աշխատակից Վահրամ Հարությունյանի աջակցությամբ ճնշում է գործադրում աշխատակիցների վրա` պարտադրելով հետ գալ աշխատանքի:
Նշենք, որ Արամ Սարգսյանը և Վահրամ Հարությունյանը Գագիկ Խաչատրյանի սուպերնախարարությունում հանդիսացել են մաքսայինի պետ և օպերատիվ վարչության պետ: Եվ նրանց միացել է ՀՀ երկրորդ նախագահ Ռոբերտ Քոչարյանի փաստաբանական խմբի անդամ, «Կոնցեռն Դիալոգ» փաստաբանակական գրասենակի փաստաբան Արամ Օրբելյանը:
Մեկնաբանության համար ArmLur.am-ը դիմեց Արամ Օրբելյանին: Նա մեզ հետ զրույցում նշեց, թե Յուքոմ ընկերությունն իրենց վստահորդն է, սակայն հերքեց տարածված տեղեկությունները: Նա ընդգծեց, թե′ այս ընկերության աշխատողներին, թե′ առհասարակ ոչ ոքի չի ահաբեկել կած կանչել իր մոտ:
.gif)
