ՀՔԾ-ն որոշում կայացրեց. Հարությունյանի հայտարարության հետքերով

ArmLur.am-ը տեղեկացավ, որ  Հատուկ քննչական ծառայությունը Կրթության, գիտության, մշակույթի և սպորտի  նախարար Արայիկ Հարությունյանի հայտարարության հիման վրա մերժել է քրեական գործ հարուցել ԿԳՄՍ փոխնախարար Գրիշա Թամրազյանի դեմ ՝ հանցակազմի բացակայության հիմքով։

Ինչպես հայտնի է, Հարությունյանը մայիսի 25-ին  անդրադարձել էր ԲՈԿ նախագահ Սմբատ Գոգյանի հայտարարությանը: «Եթե կպարզվի, որ Գրիշա Թամրազյանը կատարել է հովանավորչություն, ապա նա պետք է ենթարկվի քրեական պատասխանատվության, իսկ հակառակ դեպքում՝ Սմբատ Գոգյանը սուտ մատնության համար կարող է ենթարկվել պատասխանատվության։ Կարծում եմ՝ իրավական պետությունում այլ ելք չի կարող լինել, քան սույն իրավիճակն իրավական ճանապարհով լուծելու տարբերակը», – ասել էր նա:

Եվ ահա, ArmLur.am-ը տեղեկացավ, որ Հատուկ քննչական ծառայությունը  փաստական հանգամանքների վերլուծության հիմքով մերժել է գործի հարուցումը, քանի որ ԿԳՄՍ փոխնախարար Գրիշա Թամրազյանի գործողություններում պաշտոնական դիրքի չարաշահման և լիազորությունների չարաշահման դեպք չի արձանագրվել։

Ք.Մ.