Գիրք նվիրելու օրը ԳեոՊրոՄայնինգը ակցիա էր կազմակերպել երիտասարդ գրքասերների համար՝ ծանոթանալու գրատպությանը։
Հայաստանում իր գործունեության 15 տարիների ընթացքում ԳեոՊրոՄայնինգը համագործակցել է երկրի առաջատար հրատարակչությունների հետ՝ դասական, ժամանակակից և կրթական գրականություն հրատարակելու և տարածելու նպատակով։ Տասնյակ հազարավոր գրքեր են ուղարկվել Հայաստանում ընկերության ներկայության մարզեր, ինչպես նաև բաժանվել հանրապետության դպրոցներում և ուսումնական հաստատություններում։
Գիրք նվիրելու օրը Արարատ և Վարդենիս քաղաքների գրադարաններից ամենաակտիվ օգտվող 20 գրքասեր երեխաների համար ընկերությունը կազմակերպել է շրջայց դեպի Անտարես հրատարակչություն, որտեղ նրանք ծանոթացել են գրքերի ստեղծման և տպագրության գործընթացին։ Նրանք այցելել են նաև Երևանի գրախանութ, որտեղ ընտրել են գրքեր և միմյանց նվիրել որպես նվեր։
ԳեոՊրոՄայնինգ ընկերության ներկայացուցիչ Ռուզաննա Գրիգորյան. «ԳեոՊրոՄայնինգի սոցիալական քաղաքականության մեջ առանձնահատուկ տեղ են գրավում կրթական ծրագրերը, և դրա շրջանակներում ժամանակակից և արդիական տպագիր գրականության տարածումն ու հանրամատչելի դարձնելը երեխաների և երիտասարդների շրջանում։ Այդպիսով, ոչ միայն աջակցություն է ցուցաբերվում հրատարակչական ինդուստրիային, այլև սմարթֆոնների և թվային բովանդակության դարաշրջանում մեծացող սերունդը հաղորդակցվում է տպագիր գրքին, բացահայտում իր համար գիտելիքի, փորձի և տեղեկատվության զարմանալի աշխարհը: Շատ ուրախ եմ նշել, որ մեր երեխաները հետաքրքրված են գրքով։ Նաև ըմբռնում կա, որ գիրքն ու դրանում պարունակվող գիտելիքը այն ուժն է, որը նրանց պետք կգա ապագայում՝ պահպանելու և մեծացնելու իրենց կարողությունները, ընդլայնելու իրենց մտահորիզոնը և կերտելու հաջող ապագա իրենց և իրենց երկրի համար»:
«Անտարես» հրատարակչության հիմնադիր տնօրեն Արմեն Մարտիրոսյան. «Այսպիսի ակցիաները պետք է դառնան մեր առօրյան, դրանք մեր երեխաներին պետք են մեր ապագայի, իրենց ապագայի համար։ Գիրքը գիտելիք է, այն պատուհան է դեպի ապագա, որը կարող է տարբեր լինել։ Ուրախ եմ, որ այս պարզ ճշմարտությունը առաջ են մղվում, պատասխանատու բիզնեսի կողմից, որը մտածում է ոչ միայն այսօրվա շահույթի, այլև երկրի, ժողովրդի, այն սերնդի ապագայի մասին, որը կերտելու է հենց այդ ապագան։ Իսկ ապագան առանց հոգևոր հարստության, առանց գիտելիքի, առանց մեզ շրջապատող աշխարհի խորությունն ու բարդությունը, մարդկանց ու համակարգերի փոխազդեցությունը հասկանալու շատ մռայլ կլինի։ Նման նախաձեռնությունները, տարածված ժամանակակից ձեռներեցների, ինչպքես նաև գրքեր կարդացող և գրքերով հետաքրքրվող երեխաների շրջանում, ոգևորում են մեզ՝ հրատարակիչներիս, լավատեսությամբ ։
«ԳեոՊրոՄայնինգ» ընկերությունների խումբը դինամիկ զարգացող միջազգային մասնավոր ընկերություն է՝ դիվերսիֆիկացված մետաղական ռեսուրսների բազայով, որը հիմնադրվել է 2001 թվականին: Գեոպրոմայնինգը արտադրում է ոսկի՝ դորե համաձուլվածքի տեսքով, պղնձի, մոլիբդենի և անտիմոնի խտանյութեր։
.gif)
